ప్రగతి పిక్చర్స్ బ్యానర్ పై రామ్ కిషన్ నిర్మిస్తున్న సినిమా మది. ఆర్వి సినిమాస్ సహనిర్మాతలుగా, ఆర్ వి రెడ్డి సమర్పణలో ఈ సినిమా త్వరలోనే ప్రేక్షకులని అలరించబోతుంది. శ్రీరామ్ నిమ్మల, రిచా జోషి జంటగా నటించిన ఈ సినిమా చిత్రీకరణ పూర్తి చేసుకొని పోస్ట్ ప్రొడక్షన్ వర్క్స్ జరుపుకుంటుంది. నాగ ధనుష్ దర్శకత్వంలో రాబోతున్న ఈ సినిమాకు పివిఆర్ రాజా సంగీతం అందిస్తున్నారు.
రొమాంటిక్ లవ్ స్టొరీ గా రాబోతున్న “మది” ఈ తరం యువత ఆలోచనా విధానానికి అద్దం పట్టేల ఉంటూ, వినూత్నరీతిలో కథనం సాగుతుంది. కథ-సందర్భానుసారంగా ఈ సినిమాలో ఐదు సాంగ్స్ ఉన్నాయి, రఘు కుంచె, సునీత, రమ్య బెహార, దీపు, సాయి చరణ్, హరిణి ఆలపించడం జరిగింది.
వైజాగ్, రాజమండ్రి, హైదరాబాద్ పరిసర ప్రాంతాల్లో ఈ సినిమాను చిత్రీకరించారు. అన్ని వర్గాల ప్రేక్షకులను ఈ సినిమా అలరించనుందని నిర్మాత రామ్ కిషన్, సహా నిర్మాత శ్రీనివాస్ రామిరెడ్డి తెలిపారు.
నటీనటులు:
శ్రీరామ్ నిమ్మల, రిచా జోషి, రామ్ కిషన్, శ్రీకాంత్ బైరోజ్, స్నేహ మాధురి శర్మ, యోగి కత్రి, శ్రీనివాస్ తదితరులు
