ఎటిర్నిటి ఎంటర్టైన్మెంట్, అహం అస్మి ఫిల్మ్స్ బ్యానర్లపై గౌరీశ్ యేలేటి, రోషిణి, ప్రాచీ టక్కర్ హీరోహీరోయిన్లుగా దీపక్ కొలిపాక దర్శకత్వంలో లక్ష్మీ నవ్య మోతూరు, రంజిత్ కుమార్ కొడాలి, అదిత్య రెడ్డి నిర్మిస్తున్న చిత్రం ‘ఓ కల’. ఈ చిత్రం సెన్సార్ కార్యక్రమాలను పూర్తి చేసుకుంది. సెన్సార్ నుండి క్లీన్ యు సర్టిఫికేట్‌ను పొందిన ఈ చిత్రాన్ని త్వరలోనే విడుదల చేయడానికి మేకర్స్ సన్నాహాలు చేస్తున్నారు.
సెన్సార్ పూర్తయిన సందర్భంగా నిర్మాతలు లక్ష్మీ నవ్య మోతూరు, రంజిత్ కుమార్ కొడాలి, అదిత్య రెడ్డి మాట్లాడుతూ..‘‘ఓ కల.. ఇది అందరి కల. అన్ని వర్గాల ప్రేక్షకులకు నచ్చే కంటెంట్‌తో ఈ చిత్రాన్ని రూపొందించాము. నటీనటులు, సాంకేతిక నిపుణులు అందరూ ఎంతగానో సపోర్ట్ చేశారు. ప్రస్తుతం సెన్సార్ కార్యక్రమాలు పూర్తయ్యాయి. సెన్సార్ నుండి మంచి చిత్రం తీశారనే ప్రశంసలే కాకుండా.. ఒక్క కట్ కూడా లేకుండా క్లీన్ యు సర్టిఫికేట్ లభించినందుకు సంతోషంగా ఉంది. దర్శకుడు దీపక్ సినిమా చాలా గ్రాండ్‌గా తెరకెక్కించారు. ఇప్పటి వరకు సినిమాకు సంబంధించి విడుదల చేసిన ప్రతీది మంచి స్పందనను రాబట్టుకుంది. సినిమా కూడా ప్రేక్షకులందరిని మెప్పిస్తుంది. త్వరలోనే చిత్రాన్ని విడుదల చేయనున్నాము.. సహకరించిన అందరికీ ధన్యవాదాలు..’’ అని తెలిపారు.
గౌరీశ్ యేలేటి, రోషిణి, ప్రాచీ ఠాకూర్, అలీ, వైవా రాఘవ్, దేవి ప్రసాద్, శక్తి, రవితేజ(కమెడియన్) తదితరులు నటిస్తున్న ఈ చిత్రానికి
సినిమాటోగ్రఫీ: అఖిల్ వల్లూరి
సంగీతం: నీలేష్ మందలపు
ఎడిటర్: సత్య గిడుటూరి
ఆర్ట్: ప్రేమ్ కుమార్
ఎగ్జిక్యూటివ్ ప్రొడ్యూసర్: మహేష్ దత్త మోటూరు
పీఆర్వో: బి. వీరబాబు
నిర్మాతలు: లక్ష్మీ నవ్య మోటూరు, రంజిత్ కుమార్ కొడాలి, అదిత్య రెడ్డి
దర్శకత్వం: దీపక్ కొలిపాక
