హీ యంగ్ అండ్ డైనమిక్ హీరో సాయి రామ్ శంకర్ హీరోగా తెరకెక్కిస్తున్న సినిమా వేయిదరువేయి సినిమా ఆఫీస్ లో ఘనంగా భారీ కేక్ కటింగ్ జరిగింది. శంకర్ పిక్చర్స్ సమర్పణలో సాయి తేజ ఎంటర్‌టైన్‌మెంట్స్ పతాకంపై సాయి రామ్ శంకర్, యషా శివకుమార్ జంటగా నవీన్ రెడ్డి దర్శకత్వంలో దేవరాజ్ పొత్తూరు నిర్మిస్తున్న చిత్రం ‘వెయ్ దరువెయ్’ హై వోల్టేజ్ యాక్షన్ ఎంటర్‌టైనర్‌గా రూపొందుతున్న ఈ సినిమాలో సాయి రామ్ శంకర్ సరసన యశ శివ కుమార్ హీరోయిన్‌గా నటిస్తోంది. సునీల్, సత్యం రాజేష్ కీలక పాత్రలో నటిస్తున్నారు. అయితే నేడు సెప్టెంబర్ 13 న హీరో సాయి రామ్ శంకర్ పుట్టినరోజు బర్త్ డే వేడుకను సాయి తేజ ఎంటర్‌టైన్‌మెంట్స్ సినిమా ఆఫీసులో వెయ్ దరువెయ్ టీమ్ ఘనంగా నిర్వ హించారు. ఈ కార్యక్రమంలో సాయి రామ్ శంకర్, మరియు వెయ్ దరువెయ్ యూనిట్ అంతా పాల్గొంది.
ఈ సందర్భంగా ప్రొడ్యూసర్ దేవరాజు గారు మాట్లాడుతూ.. ఇప్పటికే వెయ్ దరువెయ్ షూటింగ్ టాకీ పార్ట్ షూటింగ్ పూర్తి అయింది. ప్రస్తుతం ఈ సినిమా పోస్ట్ ప్రొడక్షన్ వర్క్స్ జరుగుతున్నాయి. ఈ సినిమా రషెస్ చూశాక సినిమా సూపర్ డూపర్ హిట్ అవుతుందనే నమ్మకం వచ్చింది. చిత్రంలోని సన్నివేశాలు ఎంతో బాగా వచ్చాయి. ఖచ్చితంగా ఈ మూవీ ప్రేక్షకులను ఆకట్టుకుంటుంది. త్వరలోనే మిగితా ఫైట్స్ మరియు రెండు సాంగ్స్ పూర్తి చేసి ఈ సినిమాను గ్రాండ్‌గా నవంబర్ లో విడుదల చేయాలని ప్లాన్ చేస్తున్నాం.
హీరో సాయి రామ్ శంకర్ మాట్లాడుతూ.. ముందుగా నిర్మాత దేవరాజు గారికి మరియు మా డైరెక్టర్ నవీన్ రెడ్డి గారికి ప్రత్యేకంగా శుభాకాంక్షలు చెబుతున్నా. వీళ్ళతో సినిమా చేయడం చాలా సంతోషంగా ఉంది. సెట్స్‌ పై ఎంజాయ్ చేస్తూ షూటింగ్ చేశాం. దర్శక నిర్మాతలు చాలా సపోర్ట్ చేస్తూ అవుట్‌పుట్ విషయంలో ఎక్కడా వెనక్కి తగ్గకుండా ముందుకెళ్లారు.
దర్శకుడు నవీన్ రెడ్డి మాట్లాడుతూ.. వెయ్ దరువెయ్ సినిమా సెట్స్‌ పై సాయి రామ్ శంకర్ తన నటనతో అబ్బురపరిచారు. నిర్మాత దేవరాజు సపోర్ట్ చేస్తూ ఖర్చు విషయంలో వెనకాడలేదు. ఈ సినిమాను చాలా బాగా తీర్చిదిద్దుతున్నాం. మా హీరో గారికి ప్రత్యేకంగా బర్త్ డే విషెస్ చెబుతున్నా. ముందు ముందు ఆయన మరిన్ని సినిమాలు చేయాలి.
నటీ నటులు
హీరో : సాయి రామ్ శంకర్
హీరోయిన్ : యషా శివకుమార్
సునీల్, కాశీ విశ్వనాథ్, పోసాని కృష్ణ మురళి, సత్యం రాజేష్, థర్టీ ఇయర్స్ ప్రుధ్వి, చమక్ చంద్ర , ప్రభాస్ శ్రీను, అదుర్స్ రఘు
