తెలుగు ప్రేక్ష‌కుల‌కు ప్ర‌తి వారాంతం తిరుగులేని ఎంట‌ర్‌టైన్‌మెంట్‌ను అందిస్తోన్న ఆహా. ఈ వారాంతంలో గ్లోబల్ ప్రీమియ‌ర్‌గా ఆగ‌స్ట్ 13న ‘ఆహా’లో మంజు వారియర్ న‌టించిన టెక్నో హార‌ర్ థ్రిల్ల‌ర్ ‘చతుర్ముఖం’.. విడుద‌లైంది. మంజు వారియ‌ర్‌తో పాటు స‌న్నీ వైనే, శ్రీకాంత్ ముర‌ళి ప్ర‌ధాన పాత్ర‌ల్లో న‌టించారు. ‘చతుర్ముఖం’.. హార‌ర్ జోన‌ర్‌లో రీ ఇమాజినేష‌న్ అనే పాయింట్‌కు సాంకేతిక అంశాల‌ను జోడించి తెర‌కెక్కించిన చిత్రం. రంజిత్ కామ‌ల శంక‌ర్, షాలిని.వి ఈ చిత్రాన్ని డైరెక్ట్ చేశారు. ఇప్ప‌టికే ఈ సినిమా మ‌ల‌యాళ మాతృక ప‌లు ఫిల్మ్ ఫెస్టివ‌ల్స్‌లో ప్ర‌ద‌ర్శింప‌బ‌డి.. ఇన్నోవేటివ్‌, ఎంట‌ర్‌టైనింగ్ థ్రిల్ల‌ర్ అని ప్రేక్ష‌కుల‌కు ఎగ్జ‌యిట్‌మెంట్‌ను అందించే చిత్ర‌మ‌ని విమ‌ర్శ‌కుల ప్ర‌శంస‌ల‌ను అందుకుంది.
‘చతుర్ముఖం’ చిత్రంలో న‌టించిన మంజువారియ‌ర్ సోష‌ల్ మీడియా ద్వారా సినిమా గురించి మాట్లాడుతూ …తెలుగు సినీ అభిమానుల‌కు శుభ‌వార్త. మా ‘చతుర్ముఖం’ సినిమా తెలుగు ఓటీటీ మాధ్య‌మం ‘ఆహా’లో ఆగ‌స్ట్ 13 నుంచి ప్ర‌ద‌ర్శిత‌మ‌వుతుంది. తేజస్విని తెలుగు ఎలా మాట్లాడబోతుందోన‌ని ఆతృత‌గా ఎదురుచూస్తున్నాను. మీరు అంతే ఆతృత‌గా ఎదురుచూస్తున్నార‌ని భావిస్తున్నాను అన్నారు. మంజు వారియర్ వంటి అద్భుతమైన న‌టి మ‌న తెలుగు ప్రేక్ష‌కుల‌ను ఎప్పుడు ప‌ల‌క‌రిస్తారా అని ప్ర‌పంచ వ్యాప్తంగా ఉన్న తెలుగు అభిమానులు ఎదురుచూస్తున్న త‌రుణంలో ‘చతుర్ముఖం’ ద్వారా అది నేర‌వేర‌బోతుంది.
‘చతుర్ముఖం’లో మంజు వారియర్.. తేజస్విని అనే పాత్ర‌లో చేసిన అద్భుతమైన న‌ట‌న‌కు అంద‌రూ ఆమెను అభినందించారు. సాంకేతిక ప‌ర‌మైన ఆస‌క్తిని క‌లిగి ఉండి, నేటి కాలపు స్వ‌తంత్య్ర భావాలున్న మ‌హిళ పాత్ర‌లో మంజు వారియర్ న‌టించారు. కొత్త ఫోన్‌ను కొన్న తేజస్విని జీవితంలో ఆతీంద్రియ శ‌క్తుల కార‌ణంగా అనేక ఘ‌ట‌న‌లు జ‌ర‌గుతాయి. ఆ ఘ‌ట‌న‌ల వెనుకున్న విష‌యాల‌ను తేజస్విని ఎలా తెలుసుకుంది. త‌న స్నేహితులు స‌న్నీ వైనే, శ్రీకాంత్ ముర‌ళిల సాయంతో ఆ స‌మ‌స్య‌ల‌ను నుంచి ఎలా బ‌య‌ట‌ప‌డింద‌నేదే క‌థ.
అభ‌య్ కుమార్ కె, అనిల్ కురియ‌రన్ ర‌చించిన ‘చతుర్ముఖం’ చిత్రానికి డాన్ విన్సెంట్ సౌండ్ డిజైన్‌ చేశారు. అభినంద‌న్ రామానుజం అద్భుతమైన విజువ‌ల్స్ అందించారు. జిస్ టామ్స్ మూవీస్, మంజు వారియర్ బ్యాన‌ర్స్‌పై జిస్ టామ్స్, జస్టిన్ థామ‌స్ ఈ చిత్రాన్ని నిర్మించారు. మీ సీట్ బెల్ట్‌ను బిగించి తొలి టెక్నో హార‌ర్ థ్రిల్ల‌ర్‌ను కేవలం ‘ఆహా’లోనే ఎంజాయ్ చేయండి.
