వైవిధ్యభరితమైన చిత్రాలు నిర్మించిన శ్రావ్య ఫిలిమ్స్ పతాకంపై పి సునీల్ కుమార్ రెడ్డి దర్శకత్వంలో డాక్టర్ ఎల్ ఎన్ రావు మరియు యక్కలి రవీంద్ర బాబు సంయుక్తంగా నిర్మిస్తున్న యూత్ ఫుల్ ఎంటర్టైనర్ ‘వెల్కమ్ టు తీహార్ కాలేజ్’. ఇంటర్మీడియట్ విద్యా వ్యవస్థల్లో విద్య పేరుతో జరుగుతున్న భందిఖానాని అరాచకాన్ని సునిశిత హాస్యంతో చిత్రీకరించిన క్యాంపస్ చిత్రం ఇది. ర్యాంకుల పోటీలోపడి నలిగిపోతున్న యువత అంతరంగాన్ని వినోదభరితంగా ఆలోచింపజేసే విధంగా నిర్మించబడిన ఈ చిత్రం అన్ని కార్యక్రమాలు పూర్తి చేసుకుని సెప్టెంబర్ మాసంలో విడుదలకు సన్నాహాలు చేస్తుంది చిత్ర యూనిట్.
గతంలో శ్రావ్య ఫిలిమ్స్ పతాకంపై రొమాంటిక్ క్రైమ్ కథ, క్రిమినల్ ప్రేమకథ, రొమాంటిక్ క్రిమినల్స్ లాంటి యూత్ ఫుల్ ఫిలిమ్స్ లో నటించిన మనోజ్ నందన్ ఈ చిత్రంలో కదా నాయకుడిగా నటిస్తున్నాడు. ఫణి చక్రవర్తి, కృష్ణ తేజ, సోనీ రెడ్డి, మనీషా, సాయినాథ్, మౌనిక బేబీ చిన్నారి, సత్యానంద్ ముఖ్య పాత్రలు పోషిస్తున్నారు. కాలేజీ సి ఈ ఓ గా టి ఎన్ ఆర్ నటించారు. కాలేజీ లెక్చరర్లగా ఎఫ్ ఎమ్ బాబాయ్, వెంకట్ రామన్, ప్రసాద్, లెండి హరి తదితరులు నటించారు. ప్రవీణ్ ఇమ్మడి స్వరపరిచిన ఐదు యూత్ ఫుల్ పాటలతో మంచి మ్యూజికల్ క్యాంపస్ ఎంటర్టైనర్ గా దీనిని నిర్మించామని నిర్మాతలు తెలియచేసారు. .
చక్కటి సందేశంతో పాటు యూత్ ను అలరించే అన్ని అంశాలు ఈ చిత్రంలో పొందుపరిచామని, . కాలేజ్ స్నేహానికి పట్టం కట్టే ఈ చిత్రాన్ని తెలుగు ప్రేక్షకులు ఆదరిస్తారు అని దర్శకుడు సునీల్ కుమార్ రెడ్డి తన ఆశాభావం వ్యక్తపరిచారు.
చిత్రం పేరు : వెల్కమ్ టు తీహార్ కాలేజ్
బ్యానర్ : శ్రావ్య ఫిలిమ్స్
నటి నటులు : మనోజ్ నందన్, ఫణి చక్రవర్తి, కృష్ణ తేజ, సోనీ రెడ్డి, మనీషా, మౌనిక, తనీషా, వినయ్ మహాదేవ్, స్టార్ మేకర్ సత్యానంద్, , బుగత సత్యనారాయణ, సముద్రం వెంకటేష్, నల్ల శ్రీను, మల్లికా తదితరులు
