క్యూబా పోరాటయోధుడు చేగువేరా జీవిత చరిత్ర ఆధారంగా తెలుగులో రూపొందుతున్న మూవీ “చే”. లాంగ్ లైవ్ అనేది ట్యాగ్ లైన్. తాజాగా ఈ సినిమా ట్రైల‌ర్‌ను చిత్ర యూనిట్ విడుదల చేసింది. నవ ఉదయం సమర్పణలో నేచర్ ఆర్ట్స్ బ్యానర్‌పై బీఆర్ సభావత్ నాయక్ టైటిల్ రోల్ పోషిస్తూ, దర్శకత్వం వహిస్తున్నారు. “చే” చిత్ర ట్రైలర్ విడుద‌లైన కొన్ని గంట‌ల్లోనే సోషల్ మీడియాలో వైర‌ల్‌గా మారింది. “చే” ట్రైల‌ర్‌ను చూస్తే రోమాలు నిక్క‌బొడుచుకునేలా ఉందంటూ సోషల్ మీడియాలో రివ్యూలు వెలువ‌డుతున్నాయి. ఇప్ప‌టికే విడుద‌లైన ఈ మూవీ ఫస్ట్ లుక్, టీజ‌ర్‌కు మంచి రెస్పాన్స్ వ‌చ్చింది.
క్యూబా తరువాత ప్రపంచంలోనే తొలిసారి భారతీయ చిత్ర పరిశ్రమలో రూపొందుతున్న చేగువేరా బయోపిక్ ఇది. సూర్య, బాబు, దేవేంద్ర సంయుక్తంగా నిర్మిస్తున్న ఈ మూవీలో లావణ్య సమీరా, పూల సిద్దేశ్వర్, కార్తీక్ నూనె, వినోద్, పసల ఉమా మహేశ్వర్ కీలకపాత్రలు పోషిస్తున్నారు. రవిశంకర్ సంగీతం అందిస్తున్నారు. పోస్ట్ ప్రోడక్షన్ పూర్తి చేసుకున్న ఈ సినిమా త్వరలో సెన్సార్ కు వెళ్లనుంది. ఇటీవలే చేగువేరా కూతురు డాక్టర్ అలైదా గువేరా ఈమూవీ ఫస్ట్ లుక్ ను లాంచ్ చేసి చిత్రయూనిట్‌ను అభినందించారు.
“చే” మూవీ ట్రైలర్ విడుదల సంద‌ర్భంగా దర్శకుడు బి.ఆర్ సభావత్ నాయక్ మాట్లాడుతూ.. “చేగువేరా బయోపిక్ తీయాల‌న్న‌ది త‌న ఇర‌వై ఏళ్ల క‌ల అని అన్నారు. విప్లవ వీరుడు చేగువేరా లైఫ్‌లో జ‌రిగిన ఎన్నో అరుదైన విష‌యాలు త‌మ సినిమాలో చూపించిన‌ట్టు తెలిపారు. ఆనాటి పరిస్థితులను క‌ళ్ల‌కు క‌ట్టిన‌ట్టు తెర‌కెక్కించామ‌ని, క్వాలిటీ విష‌యంలో ఎక్కడ కాంప్రమైజ్ కాలేద‌ని చెప్పారు. తాజాగా విడుద‌లైన ట్రైల‌ర్‌కు మంచి రెస్పాన్స్ రావ‌డం సంతోషంగా ఉంద‌న్నారు. ట్రైలర్ బాగుందంటూ ప‌లువురు సినీ ప్ర‌ముఖుల నుంచి కాల్స్ వ‌స్తున్నాయ‌న్నారు. ఈ మూవీ పోస్టర్‌ను చేగువేరా కూతురు డా.అలైదా గువేరా విడుదల చెయ్యడం అదృష్టంగా భావిస్తున్న‌ట్టు తెలిపారు. ఈ చిత్రాన్ని డిసెంబ‌ర్ ఫస్ట్ వీక్‌లో థియేట‌ర్‌ల‌లో గ్రాండ్‌గా విడుదల చేయ‌నున్న‌ట్టు బి.ఆర్ సభావత్ నాయక్ తెలిపారు.
నటీనటులు: లావణ్య సమీరా, పూల సిద్దేశ్వర్, కార్తీక్ నూనె, వినోద్, పసల ఉమామహేశ్వర్, బి.ఆర్ సభావత్ నాయక్.
నిర్మాతలు: సూర్య, బాబు, దేవేంద్ర
కో డైరెక్టర్: నాని బాబు
రచయిత, దర్శకుడు: బి.ఆర్ సభావత్ నాయక్
బ్యానర్: నేచర్ ఆర్ట్స్
పబ్లిసిటి డిజైనర్: వివ రెడ్డి పోస్టర్స్
డీవోపీ: కళ్యాణ్ సమి, జగదీష్
ఎడిటర్: శివ శర్వాణి
సంగీత దర్శకుడు : రవిశంకర్
పీఆర్ఓ: దయ్యాల అశోక్
