విలేజ్ బేస్డ్ ప్రేమకథలు ఎప్పుడూ వెండితెరపై విజయం సాధిస్తూనే ఉంటాయి. అందుకే ఇలాంటి విలేజ్ లవ్ స్టోరీస్ ని కొత్త కొత్త కోణాల్లో దర్శకులు వెండితెరపై ఆవిష్కరిస్తూనే ఉంటారు. తాజాగా రావి ఆర్ట్‌ ప్రొడక్షన్స్‌ బ్యానర్‌పై వెంకటేష్‌ వి.దర్శకత్వంలో సుబ్బు, శ్రీవల్లి జంటగా తెరకెక్కించిన చిత్రం ‘ఐ హేట్ లవ్’. సామాజిక సేవలో ఎంతో సేవ చేసి గుర్తింపు పొందిన నిర్మాత డా॥ బాల రావి (యు.ఎస్‌.ఏ) ఈ చిత్రాన్ని నిర్మించారు. ఈ సినిమా ప్రేక్షకుల ముందుకు ఈ రోజే వచ్చింది. క్లీన్ లవ్ అండ్ మెసేజ్ ఓరియంటెడ్ గా తెరకెక్కిన ఈ చిత్రం ప్రేక్షకుల్ని ఎలా ఆకట్టుకకుందో చూద్దాం పదండి.
కథ: రాంబాబు(సుబ్బు) బుద్ధిగా ఊళ్లో తల్లిదండ్రుల మాట వింటూ పొలం పనులు చేసుకుంటూ ఉంటాడు. అమ్మాయిలంటే అస్సలు గిట్టదు. అలాంటి సిద్ధూ… అదే గ్రామానికి చెందిన సీత(శ్రీవల్లి)ని ఒక సందర్భంలో చూసి… ప్రేమలో పడతాడు. అయితే… వీరి ప్రేమను తల్లిదండ్రులు మాత్రం అంగీకరించరు. దాంతో వీరిద్దరూ ప్రేమను గెలిపించుకోవడానికి చాలా ప్రయత్నాలు చేస్తుంటారు. ఒకసారి ఇద్దరూ బైక్ లో వెళుతుండగా… అదే గ్రామానికి చెందిన వీరబాబు అనే పత్రికా విలేకరి… వీరిద్దరి ఫొటోని ఫేస్ బుక్ లో అప్ లోడ్ చేస్తాడు. దాంతో వీరిద్దరి ప్రేమకు మరింత ప్రతి బంధకం ఏర్పడుతుంది. దాంతో రాంబాబు, సీత తమ ప్రేమను గెలిపించుకోవడానికి ఏమి చేశారు? మొదట్లో రాంబాబుకి అమ్మాయిలంటే ఎందుకు గిట్టదు? ఎంతో స్నేహంగా ఉన్న రాంబాబు, సీత కుటంబాలు ఎందుకు విడిపోవాల్సి వచ్చింది? తదితర వివరాలు తెలియాలంటే సినిమా చూడాల్సిందే.
కథ… కథనం విశ్లేషణ: సరైన కథ… కథనాలు కుదిరితే గ్రామీణ ప్రేమకథలు ప్రేక్షకుల్ని బాగా ఆకట్టుకుంటాయి. ముఖ్యంగా కోనసీమలాంటి గ్రామాల్లో తెరకెక్కిన ప్రేమకథలు బాగా ఆకట్టుకుంటాయి. వాటిలో కాస్త ఫన్, మెచ్యురిటీ ఉండటంతో ఆడియన్స్ కూడా ఇట్టే కనెక్ట్ అవుతారు. తాజాగా తెరకెక్కిన ‘ఐ హేట్ లవ్’ సినిమా కూడా అంతే. ఈ సినిమాలో హీరో రగ్ డ్ లుక్ లో … హీరోయిన్ గ్రామీణ యువతిగా పక్కింటి అమ్మాయిలా చాలా సౌమ్యంగా కనిపించే లుక్… ఇద్దరి మధ్య లవ్ పుడితే… వారి కెమిస్ట్రీ ఎలా ఉంటుందనే దాన్ని దర్శకుడు తీర్చిదిద్దిన విధానం యూత్ ని బాగా ఆకట్టుకుంటుంది. గ్రిప్పింగ్ కథ.. కథనాలతో ఎక్కడా బోరింగ్, వల్గారిటీ లేకుండా సినిమాని ఫ్యామిలీతో చూసేలా తెరకెక్కించారు. కోనసీమలో సాధారణంగా మాట్లాడుకునే భాషలో చాలా సరదా సంభాషణలు ఆడియన్స్ కి బాగా కనెక్ట్ అవుతాయి. తన ఇంట్లో జరిగిన ఓ సంఘటనతో మొదట్లో హీరోకి అమ్మాయిలంటే గిట్టకపోవడం… అది ఎంతో కాలం అబ్బాయిల్లో ఉండదని… ఆ తరువాత ఏదో ఒక టైంలో అమ్మాయిలను ఇష్టపడాల్సిందే అనే కోణంలో యూత్ మనస్తత్వాలు ఎలా ఉంటాయనేదాన్ని దర్శకుడు చాలా మెచ్యూర్ గా చూపించారు. అలాగే సోషల్ మీడియాను అనవసర విషయాలకు ఉపయోగిస్తే.. దానివల్ల ఎలాంటి అనర్థాలకు దారితీస్తాయో అనేదాన్ని చూపించి… ఏదైనా చేసే ముందుకు ఒకటికి నాలుగు సార్లు ఆలోచించాలనే దాన్ని ఇన్నర్ మెసేజ్ గా ఇచ్చాడు దర్శకుడు. ఫస్ట్ హాఫ్ లో హీరో ఫెరోషియస్ నెస్… ఆ తరువాత అమ్మాయి ప్రేమలో పడటంతో ఇంటర్వల్ కార్డు వేసి… ఆ తరువాత ప్రేమను దక్కించుకోవడానికి హీరో, హీరోయిన్లు పడే తపనను చూపించి మెప్పించారు. క్లీన్ లవ్ స్టోరీగా తెరకెక్కిన ‘ఐ హేట్ లవ్’… యూత్ ను అలరిస్తుందనడంలో సందేహం లేదు.
హీరో సుబ్బు మొదట్లో ఫెరోషియస్ నెస్ తోనూ… ఆ తరువాత ప్రేమను గెలిపించుకోవడానికి పడే ఓ నిజయతీ గల ప్రేమికునిగా… రెండు వేరియషన్స్ లోనూ బాగా పరిణితి కనబరచారు. అలాగే అతనికి జోడీగా నటించిన శ్రీవల్లి కూడా గ్రామీణ యువతి పాత్రలో మెప్పించింది. మనసు నిండా ప్రేమను నింపుకుని… తల్లిదండ్రుల మాట కోసం ఆ ప్రేమను త్యాగం చేయడానికి సిద్దపడే సౌమ్యంగా ఉండే సగటు గ్రామీణ యువతి పాత్రలో ఒదిగిపోయి నటించింది. వీరిద్దరి కెమిస్ట్రీ ఆన్ స్క్రీన్ పై యూత్ ని బాగా ఆకట్టుకుంటుంది. అలాగే వీరిద్దరికి తల్లిదండ్రులగా నటించిన నటులు కూడా మెప్పించారు. విలన్ మణి పాత్రలో నటించిన నటుడు బాగానే చేశారు. అలాగే విలేకరి పాత్రలో చేసిన నటుడు కూడా బాగానే చేశారు. హీరో స్నేహితునిగా నటించిన కుర్రాడు పర్వాలేదు అనిపించారు. ఇక మిగతా పాత్రలన్నీ తమ తమ పరిధి మేరకు నటించి మెప్పించారు.
దర్శకుడు వెంకటేశ్ వి రాసుకున్న ప్రేమకథ బాగుంది. గ్రామీణ ప్రాంతాల్లో యువతీ యువకుల మధ్య ప్రేమ ఎలా చిగురిస్తుంది… దాన్ని పొందడానికి వాళ్లు పడే పాట్లన్నీ ఇందులో చూపించారు. ఈ సినిమాకి సంగీతం ప్లస్ అయింది. నేపథ్య సంగీతం బాగుంది. కోనసీమ గ్రామీణ ప్రాంతాల అందాలను సినిమాటోగ్రాఫర్ చక్కగా చూపించారు. గ్రామీణ అందాలు బాగా ఒడిసిపట్టి… తెరపై చూపించారు. ఎడిటింగ్ కూడా చాలా గ్రిప్పింగ్ గా ఉంది. నిర్మాత డా॥ బాల రావి (యు.ఎస్‌.ఏ) ఎక్కడా రాజీపడకుండా సినిమాని ఎంతో ఉన్నతంగా నిర్మించారు. ప్రేమకథలు ఇష్టపడే ప్రేక్షకులు ఈ సినిమాని సరదాగా చూసేయండి.
రేటింగ్: 3
