యంగ్ హీరో శ్రీవిష్ణు,`బాణం` ద‌ర్శ‌కుడు చైత‌న్య దంతులూరి ద‌ర్శ‌క‌త్వంలో చేయ‌బోతున్న డిఫ‌రెంట్‌ చిత్రానికి `భ‌ళా తందనాన` అనే టైటిల్‌ను ఖ‌రారు చేశారు. శ్రీవిష్ణు ఇదివ‌ర‌కెప్పుడూ చేయ‌ని ఓ వైవిధ్య‌మైన పాత్ర‌లో చూపించ‌డానికి అద్భుత‌మైన స్క్రిప్ట్‌ను డైరెక్ట‌ర్ చైత‌న్య దంతులూరి సిద్ధం చేశారు. కోవిడ్ సెకండ్ వేవ్ ప్ర‌భావం త‌గ్గిన త‌ర్వాత, ఈ సినిమా షూటింగ్ సోమ‌వారం హైద‌రాబాద్‌లో పునః ప్రారంభ‌మైంది. త‌గు భ‌ద్ర‌తా చర్య‌ల‌ను తీసుకుంటూ షూటింగ్ చేస్తున్నారు. ప్రముఖ నిర్మాణ సంస్థ వారాహి చ‌ల‌న చిత్రం బ్యాన‌ర్‌పై సాయి కొర్ర‌పాటి స‌మ‌ర్ప‌ణ‌లో ర‌జినీ కొర్ర‌పాటి `భ‌ళా తందనాన` చిత్రాన్ని నిర్మిస్తున్నారు.
శ్రీవిష్ణు జ‌త‌గా క్యాథ‌రిన్ ట్రెసా న‌టిస్తోంది. ఈమె పాత్ర చాలా ప‌వ‌ర్‌ఫుల్‌గా ఉండ‌బోతుంది. కె.జి.య‌ఫ్ చిత్రంలో త‌న‌దైన విల‌నిజంతో ఆక‌ట్టుకున్న రామ‌చంద్ర‌రాజు ఈ చిత్రంలో మెయిన్ విల‌న్‌గా న‌టిస్తున్నారు.
మెలోడీ బ్ర‌హ్మ మ‌ణిశ‌ర్మ సంగీతాన్ని స‌మ‌కూరుస్తున్న ఈ చిత్రంలో ఐదు పాట‌లున్నాయి. సురేశ్ రుగుతు సినిమాటోగ్ర‌ఫీ అందిస్తోన్న ఈ చిత్రానికి శ్రీకాంత్ విస్సా రైట‌ర్. మార్తాండ్ కె.వెంకటేశ్ ఎడిటర్. గాంధీ నడికుడికర్ ఆర్ట్ డైరెక్ట‌ర్‌గా వ‌ర్క్ చేస్తున్నారు.
న‌టీనటులు:
శ్రీవిష్ణు, కెథ‌రిన్ ట్రెసా, రామ‌చంద్ర‌రాజు త‌దిత‌రులు
సాంకేతిక వ‌ర్గం:
ద‌ర్శ‌క‌త్వం: చైత‌న్య దంతులూరి
నిర్మాత: ర‌జినీ కొర్ర‌పాటి
స‌మ‌ర్ప‌ణ: సాయి కొర్ర‌పాటి
బ్యాన‌ర్‌: వారాహి చ‌ల‌న చిత్రం
మ్యూజిక్‌: మ‌ణిశ‌ర్మ
ఎడిటర్: మార్తాండ్ కె.వెంకటేశ్
సినిమాటోగ్ర‌ఫీ: సురేశ్ ర‌గుతు
ఆర్ట్: గాంధీ నడికుడికర్
ర‌చ‌న: శ్రీకాంత్ విస్సా
వారాహి టీమ్‌: భాను ప్ర‌కాశ్‌, బాబీ చిగురుపాటి
పి.ఆర్.ఓ: వంశీ శేఖ‌ర్‌
