తెలుగు ఫిల్మ్ జర్నలిస్ట్ అసోసియేషన్ (TFJA) సభ్యుల సంక్షేమం కోసం నిరంతరం కృషి చేస్తున్న TFJA టీమ్ ను అభినందిస్తూ, యువ నిర్మాత వంశీ నందిపాటి తన వంతు సహాయంగా కొంత మొత్తాన్ని విరాళంగా అందించారు.
సినీ జర్నలిస్టుల సంక్షేమం కోసం TFJA చేపడుతున్న వివిధ కార్యక్రమాలు ప్రశంసనీయం అని ఆయన పేర్కొన్నారు. జర్నలిస్టుల పాత్ర సినీ పరిశ్రమలో ఎంతో ముఖ్యమని, వారి అభ్యున్నతికి అందరూ సహకరించాలని వంశీ నందిపాటి కోరారు.
ఈ సందర్భంగా TFJA సభ్యులు ఆయనకు కృతజ్ఞతలు తెలియజేస్తూ, అసోసియేషన్ తరఫున అభినందనలు తెలిపారు.
యువ నిర్మాతల నుంచి ఇలాంటి సహకారం రావడం అసోసియేషన్ కు మరింత ప్రోత్సాహాన్ని ఇస్తుందని వారు పేర్కొన్నారు.
