టీనాశ్రీ క్రియేషన్స్ బ్యానర్ పై మణి సాయి తేజ, రేఖ నిరోషా జంటగా నటిస్తూ, నాగ మునెయ్య(మున్నా) నిర్మాతగా ముని సహేకర దర్శకత్వం వహిస్తున్న చిత్రమ్ ‘మెకానిక్’. ట్రబుల్ షూటర్ అనేది ట్యాగ్ లైన్. ఇటీవలే సెన్సార్ కార్యక్రమాలు పూర్తి చేసుకున్న ఈ చిత్రాన్ని డిసెంబర్ 15న మేకర్స్ గ్రాండ్‌గా రిలీజ్ చేయబోతున్నారు. సక్సెస్ ఫుల్ డైరెక్టర్ అనిల్ రావిపూడి ఈ సినిమా టీజర్‌కు సంబంధించిన పోస్టర్‌ను లాంచ్ చేశారు. ఈ సినిమాలో సిద్ శ్రీరామ్ పాడిన ‘నచ్చేసావే పిల్లా నచ్చేసావే’ పాట Instagramలో 100 మిలియన్ ప్లస్ వ్యూస్ సాధించగా, యూట్యూబ్‌లో 8 మిలియన్ ప్లస్ వ్యూస్ సాధించి ట్రెండింగ్‌లో ఉంది.
ఇదే సినిమా నుంచి రిలీజ్ అయిన ‘టు లెట్ బోర్డ్ ఉంది – నీ ఇంటికి’ అనే మరో పాట 1.6 మిలియన్ ప్లస్ వ్యూస్‌తో దూసుకెళుతోంది. ఈ సినిమా నుండి కైలాష్ ఖేర్ పాడిన మరో ఎమోషనల్ సాంగ్ అతి త్వరలోనే మేకర్స్ విడుదల చేయనున్నారు. తనికెళ్ల భరణి, నాగ మహేష్, సూర్య, సమ్మెట గాంధీ, కిరీటి, ల్యాబ్ శరత్, మాస్టర్ చక్రి, వీర శంకర్, జబర్దస్త్ దొరబాబు, సునీత మనోహర్, సంధ్య జనక్ తదితరులు నటిస్తుండగా.. ‘పుష్ప’ ఫైట్ మాస్టర్ డ్రాగన్ ప్రకాష్ మాస్టర్ స్టంట్స్ అందించారు.
నందిపాటి శ్రీధర్ రెడ్డి మరియు కొండ్రాసి ఉపేందర్ సహ నిర్మాతలుగా వ్యవహారించిన ఈ సినిమా తెలుగుతో పాటు తమిళం, కన్నడ, హిందీ భాషల్లోను వచ్చే డిసెంబర్ 15న విడుదల చేయబోతున్నట్టు దర్శక నిర్మాతలు వెల్లడించారు. టీజర్ కాన్సెప్ట్ పోస్టర్‌ను రిలీజ్ చేసిన అనిల్ రావిపూడికి ప్రత్యేక కృతజ్ఞతలు తెలిపారు.
