సీఎం జగన్ జీవిత చరిత్ర ఆధారంగా ఓ బయోపిక్ తెరకెక్కించేందుకు సన్నాహాలు జరుగుతున్నట్లు తెలుస్తోంది. గతంలో వైఎస్ రాజశేఖర్ రెడ్డి బయోపిక్ ‘యాత్ర’ను తెరకెక్కించిన డైరెక్టర్ మహి వీ రాఘవ్ దర్శకత్వంలోనే ఈ చిత్రం కూడా రూపుదిద్దుకుంటుందని సమాచారం. యాత్ర సినిమా ఎంత పెద్ద హిట్ అయిందో వేరే చెప్పనక్కర్లేదు. ఇక ఇప్పుడు ఏపీ సీఎం జగన్‌పై కూడా సినిమా తీసేందుకు ఆయన సన్నాహాలు చేస్తున్నారట. దీనికి సంబంధించి ఏర్పాట్లు కూడా శరవేగంగా జరుగుతున్నట్లు సమాచారం. త్వరలోనే ఈ చిత్రంపై అధికారిక ప్రకటన రానుంది.
జగన్ ఏపీ ముఖ్యమంత్రిగా కొద్దికాలం లోనే ఆలిండియా లెవల్లో తనకంటూ ప్రత్యేక గుర్తింపు తెచ్చుకున్న నేపథ్యంలో,ఈ బయోపిక్ ను పాన్ ఇండియా చిత్రంగా రూపొందించాలని భావిస్తున్నట్లు సమాచారం. ఈ సినిమాలో వైఎస్సార్ మరణానికి ముందు పరిస్థితులు, గత ఎన్నికల్లో జగన్ విజయప్రస్థానం వరకు చూపించేలా దర్శకుడు స్క్రిప్ట్ సిద్ధం చేసుకుంటున్నాడట.
కాగా.. ఈ సినిమాలో వైఎస్ జగన్ పాత్రను బాలీవుడ్ నటుడు ప్రతీక్ గాంధీ పోషిస్తున్నట్టు తెలుస్తోంది. గతేడాది ఓటీటీలో హర్షద్ మెహతా జీవితం ఆధారంగా తెరకెక్కి విడుదలైన ‘స్కాం 1997’ చిత్రం ద్వారా ప్రతీక్ గాంధీకి మంచి గుర్తింపు వచ్చింది. ఆ సినిమాలో అతడి నటన అద్భుతం. మరి ఈ సినిమాలో ఆయనే నటిస్తే.. జగన్ పాత్రలో ఆయన ఎలా ఇమిడిపోతారో చూడాలి.
