ఉన్నారాష్ట్రానికి మేలు జరుగుతుందంటే ప్రధాన మంత్రి నరేంద్ర మోదీ కాళ్లు పట్టుకునేందుకు కూడా తాను సిద్ధంగా నని బెంగాల్ సీఎం మమతా బెనర్జీ అన్నారు. చిల్లర రాజకీయాలు చేస్తూ బెంగాల్ ప్రజలను అవమానపరచొద్దంటూ బీజేపీకి, ప్రధాని మోదీలను హెచ్చరించారు. బెంగాల్ ప్రజల కోసం ఎంతో కష్టపడుతున్న చీఫ్ సెక్రటరీని బదిలీ చేయడం సరికాదని, ఆ పదవిని రద్దు చేయాలని కేంద్రాన్ని మమత బెనర్జీ డిమాండ్ చేశారు.
యాస్ తుపాను ప్రభావిత ప్రాంతాల్లో పర్యటించాలని ముందుగానే షెడ్యూల్ ఖరారు చేసుకున్నట్టు మమత తెలిపారు. ఇంతలో ప్రధాని పర్యటన ఉందని తెలియడంతో.. ఆయన హెలికాప్టర్ దిగే స్థలానికి చేరుకుని ఎదురు చూశామన్నారు. ఆ తర్వాత ఆయన్ని కలిసేందుకు వెళితే మీటింగ్లో ఉన్నారని, ఎవరికీ అనుమతి లేదని చెప్పడంతో అక్కడ మరో 20 నిమిషాల పాటు ఎదురు చూశామన్నారు. ఆ తర్వాత కాన్ఫరెన్స్హాల్లో ప్రధాని, ముఖ్యమంత్రుల సమావేశం ఉందని చెప్పడంతో అక్కడికి వెళ్లామన్నారు. అయితే అక్కడ ప్రతిపక్షపార్టీలకు చెందిన నాయకులు కూడా ఉన్నారని మమత తెలిపారు. దీంతో వెంటనే ప్రధానికి తమ రిపోర్టును సమర్పించి.. ఆయన అనుమతితోనే అక్కడి నుంచి బయటకు వచ్చామన్నారు. ఆ వెంటనే తుఫాను ప్రభావిత ప్రాంతాల పర్యటనకు తాను వెళ్లినట్టు మమత తెలిపారు.
ఇటీవల వచ్చిన తుఫానుల నష్టాన్ని అంచనా వేసేందుకు గుజరాత్, ఒడిషాలలో ప్రధాని మోదీ పర్యటించారు. ఆ రాష్ట్ర సీఎంలతో సమావేశాలు నిర్వహించారు. కానీ ఎక్కడా ప్రతిపక్ష నేతలను ఆ సమావేశాలకు ఆహ్వనించలేదని మమత చెప్పారు. కేవలం బెంగాల్లోనే ఎందుకు ప్రతిపక్ష పార్టీలను మీటింగ్కు పిలిచారని ప్రశ్నించారు. ఇటీవల బెంగాల్లో ఎదురైన ఘోర ఓటమిని బీజేపీ జీర్ణించుకోలేక పోతోందని, అందుకే ఆ ఓటమికి ప్రతీకారంగా బెంగాల్ ప్రజలను అవమానించాలని చూస్తున్నారంటూ మమత తీవ్ర ఆగ్రహం వ్యక్తం చేశారు. ప్రధాని ఎప్పుడు బెంగాల్కి వచ్చినా ఇక్కడి ప్రభుత్వాన్ని అస్థిర పరచాలని చూస్తున్నారంటూ ఆమె విమర్శించారు. ఇబ్బంది పెట్టాలనే ప్రధాని, సీఎంల మీటింగ్కు సంబంధించి తనకు అనుకూలంగా ఉన్న వెర్షన్నే బీజేపీ ప్రచారంలోకి తెచ్చి, తనను ఇబ్బంది పెట్టాలని ప్రయత్నిస్తోందని మమత అన్నారు. అందుకే ఆ మీటింగ్కు సంబంధించిన పూర్తి వివరాలు వెల్లడిస్తున్నట్లు మమత పేర్కొన్నారు.
